NFS Most Wanted, CoD වගේ ගේම්ස් online play කරමු...!!!

ඔන්න අලුත් අවුරුද්දෙ හා හා පුරා කියල බ්ලොග් එක ලියන්න පටන් ගත්ත. ඔක්කොටම කලින් හැමෝටම සුභ අලුත් අවුරුද්දක් කියල ප්‍රාර්ථනා කරනව. අලුත් අවුරුද්දෙ මම මේ කියන්න යන්නෙ අලුත් විදියට ගේම්ස් ගහන්න විදියක් ගැන. හැබැයි මම මේක අත්හදා බලල තියන්නෙ නම්  NFS Most Wanted වලට විතරයි. ඒත් මේකෙ NFS Underground, Call of Duty 2 වගේ ගේම්ස් ගහන්නත් පුලුවන්. කට්ටියම ඕන තරම් මේවගේ ගේම්ස් ගහල ඇතිනෙ?? ඒත් සමහර විට දැන් එපා වෙලත් ඇති. මොකද එකම විදියට නෙ තියන්නෙ. ඒත් කවදාවත් වෙනත් ප්ලේයර් කෙනෙක් එක්ක මේවගේ ගේම්ස් ගහල නෑ නේද?? අන්තර්ජාලය හරහා වෙන ප්ලේයර් කෙනෙක් එක්ක මේ වගේ ගේම්ස් ගහන්න තියනව නම් ඒකෙ වෙනසක් තියනව.

    

මේක හරි සරල වැඩක්. ඇත්තටම මෝස්ට් වෝන්ටඩ් වගේ ගේම්ස් ඔන්ලයින් ගහන්න නම් ඔරිජිනල් ගේම් එක තියෙන්න ඕන. ඒත් ලංකාවෙ නම් එහෙම ගේම්ස් ගහන අය මම දැකල නෑ. හැමෝම ලඟ තියන්නෙ crack කරපු ගේම්. ඒත් මේ විදියට නම් ඒ වගේ ගේම් ඔන්ලයින් ගහන්න පුලුවන්. මේකට මුලින්ම කරන්න ඕන මේ සබැඳියට ගිහින් ඒකෙ තියන සිප් ගොනුව ගිහින් බාගත කරගන්න එක. ඊට පස්සෙ ඒකෙ english කියල තියන ගොනුව ගේම් එක ස්ථාපිත කරපු තැනට කොපි කරගෙන run කරන්න(NFS Most Wanted වලට විතරයි). දැන් pLan.exe එක run කරන්න. ඒකෙ ස්ටාර්ට් උනාම Notification area එකට minimize වෙයි. ඒ icon එක right click කරල ඒකෙ internet තෝරන්න. ඊට පස්සෙ ඒක double click  කරල  එන වින්ඩෝ එකේ දෙවනි ටැබ් එකට යන්න. එතන තියන ඕන ගේම් එක double click කරන්න. දැන් ගේම් එක run වෙයි.(ගේම් එක run වෙන්නෙ නැත්තම් ඒක right click කරල remove association කරන්න. ඊට පස්සෙ run කරද්දි ගේම් එක තියන තැන තෝරන්න එයි.). දැන් කරන්න තියන්නෙ ගේම් එකේ LAN mode එකට ගිහින් කැමති සර්වර් එකක් තෝරල ගේම් එක ගහන එකයි. මම මේකෙන් NFS Most Wanted නම් ගැහුව. මේ කියල තියන්නෙ ඒ ගේම් එක ගහන හැටි. අනිත් ගේම් ගහල අත්හදා බලල මට කියන්නකො. මේක මම ගැහුවෙ 512kbps ADSL connection එකකින්. ඊට වඩා අඩු එකකින් නම් ගහන්න බැරිවෙයි.

            

                ඉන්ටර් නෙට් එකෙන්ම නැතුව යාලුවොත් එක්ක මේ වගේ ගේම් ගහන්න පුලුවන්. ඒකට කරන්න තියන්නෙ කම්පියුටර් 2ක් හෝ ඊට වැඩි ගනනක් නෙට්වර්ක් කරන එක. Wifi වලින් නම් මේක කරන්න හරි ලේසියි. මුලින්ම එක කම්පියුටර් එකකින් Ad-hoc(computer to computer) network එකක් හදාගන්න ඕන. අනිත් අය ඒ නෙට්වර්ක් එකට කනෙක්ට් වෙලා ගේම් එකට යන්න. ඊට පස්සෙ එක්කෙනෙක් ගේම් සර්වර් එකක් හදන්න. අනිත් අය ඒකට කනෙක්ට් වෙලා ගේම් එක ගහන්න පුලුවන්.

            

           මේ මම කියපු ක්‍රම දෙකම කරන්න කලින් කම්පියුටර් එකේ fire wall අයින් කරන්න ඕන. ඒ වගේම ගේම් එකේ version සමාන වෙන්නත් ඕන. මේ ගැන ප්‍රශ්ණ එහෙම තියනව නම් අහන්න. පොඩි කමෙන්ට් එකක් එහෙම දාන්න අමතක කරන්න එපා. ඔන්න එහෙනම් ආපහු හැමෝටම සුබ අලුත් අවුරුද්දක්….!!!!  

              

Smart Phone වලට නැතිවම බැරි දේ......

කාලෙකට පස්සෙ මේක ලියන්න හිතුන. මේ දවස් වල ගෙදරට වෙලා නිකම් කාලෙ කන එකේ මේකවත් ලියන එක හොඳයි කියල හිතුන.

අද මම ලියන්නෙ අපේ ලඟම තියන් ඉන්න දෙයක් ගැන. ජංගම දුරකථනය……එහෙම කිව්වම නිකම් මොකක්ද වගේ. නිකම්ම ෆෝන් එක කියන එක ලේසියි. හැබැයි මම මේ කියන දේවල් ගොඩක් අදාල වෙන්නෙ NOKIA ෆෝන්ස් වලට තමයි. මොකද මගේ ලඟ තියන්නෙ NOKIA ෆෝන් එකක් නිසා. ෆෝන් එක කියන්නෙ මට නම් ගොඩක් වටින දෙයක්. විශේෂයෙන්ම දැන් ගොඩක් දෙනා ලඟ තියන ෆෝන් සෑහෙන්න වටින ඒවනෙ. මේ වටින ෆෝන් එක නැති වුනොත් එහෙම මොනව හිතෙයිද?? ඒ ගැන හිතන්නවත් අමාරුයි නේද?? හොඳයි, එහෙනම් ඒක නැතිවෙන්නෙ නැතුව තියාගන්නෙ කොහොමද? මට අපූරු software එකක් හම්බු උනා. මේකෙ නම “F-Secure”….මේක නොමිලේ බාගත කරගන්න පුලුවන් මෘදුකාංගයක්. මේක නොමිලේ සපයන්නෙ Anti-Theft විතරයි. ඕන නම් virus guard එක මිලදී ගන්න පුලුවන්. දැන් එන ගොඩක් ෆෝන්ස් වල GPS තාක්ෂණය එනව නෙ. ඒ මගින් තමන්ගෙ ෆෝන් එක තියන තැන හොයාගන්න මේකෙන් පුලුවන්. ඒවගේම තවත් වැඩ ගොඩක් තියනව. ඔයගොල්ලොම මේක අත්හදා බලන්නකො. ඒක මම කියනවට වැඩිය හොඳයි.

GPS ගැන කතාකරනකොට ඒ ගැන කියන්න ගොඩක් දේවල් තියනව. ඉස්සර ගොඩක් අය හිතන් හිටියෙ GPS ලංකාවෙ වැඩ කරන්නෙ නෑ කියල. ඒක වැරදි මතයක්. (GPS කියන එකේ තේරුම බලන්නකො.) NOKIA ෆෝන් වල නම් Location කියල මෘදුකාංගයක් එනව. ඒකෙන් අපිට අපි ඉන්න තැන අක්ශාංෂ , දේශාංෂ බලගන්න පුලුවන්. සමහර විට මේක පෙන්නන්න ටික වෙලාවක් යනව. ඒ වගේම මේකට කිසිම අන්තර්ජාල සම්බන්දයක් ඕන නෑ.(සමහර වෙලාවට GPS හැකියාව තීවෘ කරන්න පොඩි සම්බන්දයක් ඇතිවෙනව. නමුත් එය හැම වෙලාවෙම වෙන්නෙ නෑ.) මම කලින් කිව්ව වගේ ෆෝන් එකේ මේ අක්ශාංෂ , දේශාංෂ බලගන්න ටිකක් වෙලා යනව. හැබැයි ෆෝන් එකේ A-GPS, නැත්නම්  Assisted GPS තියනව නම් මේකට යන වෙලාව ගොඩක් අඩුයි. හැබැයි මේකට නම් අන්තර්ජාලය ඕන වෙනව. ගොඩක් NOKIA ෆෝන් වල මේක එනව. මේකෙ Settings හරියට නැත්නම් ඒත් වැඩක් නෑ. ඒක බලන්නෙ මේ විදියට. Location> GPS data>options>Positioning settings>…මෙතන Positioning methods වල Assisted GPS on කරල තියනවද කියල බලන්න. ඊට පස්සෙ Positioning server වල server use >automatic සහ address > supl.nokia.com තියනවද බලන්න. දැන් ෆෝන් එක අන්තර්ජාල සම්බන්ධය ඉල්ලයි. බලන්න කලින්ට වඩා ඉක්මනට තමන් ඉන්න තැන පෙන්නයි. NOKIA ෆෝන් වල තව එක මෘදුකාංගයක් තියනව. ඒ තමයි NOKIA maps/OVI maps. මේකෙන් සිතියමක තමන් ඉන්න තැන බලාගන්න පුලුවන්. නමුත් මේකට නම් අන්තර්ජාල සම්බන්ධය ඕන. මීට වඩා හොඳ මෘදුකාංගයක් තමයි google maps. මේකත් නොමිලේ දෙන සේවාවක්. අත්හදා බලන්න. මේව ගැන නම් ගොඩක් අය දන්නව. නමුත් අන්තර්ජාල සම්බන්ධයක් නැතුව පෙන්නන සිතියමක් තියන මෘදුකාංගයක් ගැන ඔය කවුරුවත් දන්නවද?

Garmin මෘදුකාංගය අන්තර්ජාල සම්බන්ධයක් නැතුව, සිතියමක් මත ඉන්න තැන පෙන්නන මෘදුකාංගයක්. මේක google maps වගේ ලස්සන නැති වුනාට ගොඩක් හොඳ මෘදුකාංගයක්. හොයල බලන්න. ගොඩක් වෙලාවට ලංකාවෙ සිතියමත් එක්ක මේක හොයාගන්න පුලුවන්. මේක නොමිලේ දෙන එකක් නම් නෙවෙයි. හැබැයි මේක ලංකාව නෙ. පොඩි සර්ච් පාරක් දාන්න. නැත්නම් මගෙන් ඉල්ලන්න. මම දෙන්නම්. මේකෙ comment එකක් දාන්නකෝ.

NOKIA ෆෝන් වලට හොඳ themes තියන තැනක් මට මගේ යාලුවෙක් කිව්ව(හංසක)…මෙතන තියන ඒව පොඩ්ඩක් බලන්නකෝ. මේ ගොඩක් themes වල icon පවා වෙනස් වෙනව.

මේක ගැන ගොඩක් අය දන්නෙ නෑ. මේක තමා NOKIA ෆෝන් වලට මෘදුකාංග හදන තැන සහ ඒව මූලික අත්හදා බැලීම් කරන තැන. මෙතන අලුත් අලුත් මෘදුකාංග මුලින්ම (බීට මට්ටමේ) අත්හදා බැලීම් කරනව. ඔබටත් ඒව බාගත කරගන්න පුලුවන්. තමන්ගෙ යාලුවන්ට කලින් අලුත් දෙයක් ගන්න ලැබෙනව නම් කොයි තරන් හොඳඳ?? මේක NOKIA beta labs.

අද මට ටිකක් වැදගත් දවසක්…. ඒවගේම මගේ මේ ලිපිය වැදගත් වෙයි කියල හිතනව. Comment එකක් දාන්න අමතක කරන්න එපා….සුබ දවසක්….!!!!